Der Fritz und Fraunz san et recht höh
Die glauben maunches vüh zu schnö
Sou a die G`schicht mit dem Gerät
Deis jeden Maun rasieren tät
„Des is a Kastl aun da Waund
Und es gschiecht wia mit Geisterhaund
Ma braucht den Kopf nur eini hoitn
Drin san die Messer, die daun woitn
Du kaunnst des glauben oder nicht
Außa kummt a rasiertes Gsicht“
„I waß net recht“ sogt drauf da Fraunz
„Irgendwie glaub i deis net gaunz“
Er krotzt si oben auf dem Schopf
„Es hot kana den gleichn Kopf?“
Drauf sogt da Fritz mit festem Ton
„Oh jo, wauns außakumman schon!“
Doris Pikal