Es is vüh z`woarm, zan Hoarausrauf`n
Die Kinda woartn sou am Schnee
Dass koit wird und dass Schlittschualaufn
Draußn am zuagfrorenen See
Vor Weihnochtn Oltweibasumma!!
Die Primmln bliahn und auf die Bam
San wieda Knopn aussakumma
Is die Frau Holle net daham?
Wo bleibt denn do des Weihnochtsfeeling
Wenns woarm is und net obaschneit
Stott Schneeflockn an Blumanfrühling
Is des net a varruckte Zeit?
Jetzt faung i aun zan Kekserl bochn
Den Tag den hob i schon bereit
Stra Zucker drauf, daun muaß i lochn
In meiner Kuchl do hot`s g`schneit
Doris Pikal